OIER ABUIN
GEROZ ETA ESTUAGO
Kategoria: Jun. Giz. Errendimendua-URREA
Jardunaldia: 01/10/2022
Emaitza: Alter Consulting ISB 57 - Askatuak Hollis 58
Jokalariak: Pilarte, I (6p); Burguera, B (-); Balsategui, O (21p); Garmendia, J (-); Nuñez, N (2p); Corral, I (2p); Urkia, A (6p); Matarese, A (2p); Iglesias, A (0p); Larrañaga, A (9p); Auzmendi (10p); Obaze, G (-)
Tanteo kopurua: 7-8 // 17-17 // 15-21 // 18-12
Faltak: 14
Jaurtiketa librea: 5/11
Hirugarren asteburuz jarraian, kanpora egin behar izan genuen bidai, oraingo honetan Azpeitiara, denboraldiko hirugarren jardunaldiari ekiteko. Aurreko partidutan edukitako inertzia mantentzearen helburuarekin joan ginen bertara, nahiz eta jakin etxeko taldeak ez zizkigula gauzak errex jarriko.
Hala eta guztiz ere, erasoan nabarmen, ez ginen behar bezala sartu partidara eta aurreko norgehiagoken antzera, gure saskiratzeak murritzak izan ziren, ikus daiteken partzial xumea lortuz. Ostera, defentsan beharreko lanak eginez eta gure helburu diren kontraeraso ugari lortuz, gure asmatzeak handitu ziren, baina baita Iraurgirenak ere; ondorioz, puntu bakarreko aldearekin iritsi ginen atsedenaldira.
Bigarren zatirako zereginak argiak ziren, atzean indartsu mantendu beharra geneukan etxekoek aldeko zuten fisikoa gelditzeko eta erasoan gure lanak egiten jarraitzeko, aldeko puntuak ahalik eta handiagoak izan zitezen. Eta horrelaxe atera ziren gure mutilak, jarraitu beharreko irizpideak nabarmen betez eta gurera 7 puntuko aldea ekarriz. Azkenean, Iraurgik lortutako asmatzeen ondorioz eta berriro ere, gure saskiratze falten ondorioz, behar baino estuago iritsi ginen partidaren amaierara.
Azkenean, hirugarrenez eta etxetik kanpo, garaipena Donostira ekartzea lortu genuen, aipatu bezala behar baino larritasun handiagoak pasaz, ligako sailkapenean lehenengo postua lortuz. Lan handia daukagu egiteko oraindik, denboraldian zehar tinko eta sendo mantendu ahal izateko sailkapenaren goiko aldean zein taldearen dinamika gorantzako joeran jarrai dezan.
ZORIONAK MUTILAK, JARRAI DEZAGUN LANEAN!!!
PISU HANDIKO GARAIPENA
Kategoria: Jun. Giz. Errendimendua-URREA
Jardunaldia: 24/09/2022
Emaitza: Askatuak Hollis 55 - Ordizia Orkli 51
Jokalariak: Pilarte, I (7p); Burguera, B (0p); Balsategui, O (20p); Garmendia, J (-); Nuñez, N (2p); Corral, I (7p); Urkia, A (0p); Matarese, A (2p); Iglesias, A (0p); Larrañaga, A (10p); Auzmendi (7p); Obaze, G (0p)
Tanteo kopurua: 18-15 // 11-16 // 13-7 // 13-13
Faltak: 15
Jaurtiketa librea: 6/12
Ordizira egin genuen bidai asteburu honetan ligako bigarren jardunaldian lehiatzeko. Dinamika onarekin iristen ginen bertara, astean zehar edukitako sentsazioak onak bait ziren eta Ordizia bezalako talde baten aurka jokatzeko gogotsu geundelako.
Inoiz baino hobeto atera ginen zelaira, zazpigarren minuturako 8 puntuko aldea lortuz (16-8) landutako trantsizio zein kontraerasoekin izugarrizko mina eginez. Jarraian, gure hutsegiteen ondorioz, kontrakoa zen 0-6 partzial bat jaso genuen lehen laurdena hiru puntuko aldearekin bukatuz. Bigarren laurdenean ordea, sendoago egin genuen lan (galdutako baloi kopurua nabarmen murriztuz) gure defentsako lanak hobetuz, baina jaurtiketen asmatze portzentaiaren jaitsierak 29-31 markagailuarekin iristarazi zigun atsedenaldira.
Bigarren zatirako helburua argia zen, landutako irizpideetan mantendu beharra zegoen garaipena lortu nahi ezkero; hala ere, ez ginen behar bezala sartu eta Ordiziak bost puntuko errenta lortu zuen guri hutsarte bat eskatzera behartuz. Egin beharrekoak azpimarratu ondoren, gure mutilek izugarrizko erantzuna eman zuten aldekoa zen 10-0 partziala lortuz. Azkenean, saskiratzeen parekotasunaren ondorioz, bigarren garaipena, etxetik kanpo hau ere, Donostira eramatera lortu zuten gure mutilek.
Laburbilduz, jokalariek egindako izugarrizko lana azpimarratu beharra dago, uneoro egin beharrekoak eginez, gora beherak gora behera, eta partidako momentu latzak nortasunez gaindituz. Eraikitzen hasi garen bidetik jarraitzea besterik ez da geratzen, astean zehar egiten den lanari eutsiz eta talde nortasun hau handiaraziz. BIGARRENA GUREA DA ERE, ZORIONAK MUTILAK!!!!
DENBORALDI BERRIA MARTXAN
Kategoria: Jun. Giz. Errendimendua-URREA
Jardunaldia 1: 17/09/2022
Emaitza: Ama Guadalupekoa Hondarribia 50 - Askatuak Hollis 55
Jokalariak: Pilarte, I (15p); Burguera, B (0p); Balsategui, O (15p); Garmendia, J (-); Nuñez, N (0p); Corral, I (4p); Urkia, A (2p); Matarese, A (0p); Iglesias, A (-); Larrañaga, A (5p); Auzmendi (13p); Obaze, G (1p)
Tanteo kopurua: 13-15 // 17-23 // 11-5 // 9-12
Faltak: 19
Jaurtiketa librea: 5/14
Denboraldi berri bati ekin zion aurreko larunbatean gure junior taldeak. Guztiz berritutako talde batekin lehiatzeko aukera izango dugu aurten eta horretarako, Hondarribira egin genuen bidai urteko lehen partida jolasteko.
Ziur eta gogotsu iristen ginen, aurreko lagunartekoetan sendo ibili bait ginen, eta gurea behar bezala egiteko gogoz egin genuen salto zelaira. Norgehiagoka osoan zehar ibili ginen puntu alde murritzarekin jolasean, hauek alde edo kontra eduki genituelarik. Hala eta guztiz ere, nahiz eta aurkariak zonakako defentsa bat proposatu zuen atsedenaldiaren ostean, gure jokalariak tinko mantendu ziren esandakoetatik atera gabe eta amaieran, larritasunak larritasun, gurera eraman genuen lehia.
Taldearekin oso pozik bukatu genuen erakutsitako jarrerarengatik, partidu osoan behar bezala mantendu zirelako eta amaierako minutuak gaitasun handiz jokatu zituztelako geure helburua lortuz, garaipena. Lanean jarraitzea besterik ez da geratzen aurtengo denboraldi berri honetan aurrera egin ahal izateko. LEHENA POLTSIKOAN MUTILAK, ZORIONAK!!!
